Одржување и инжињеринг

МАТ Ервејс има своја служба за линиско одржување на воздухоплови, која во делот на извршувањето на активностите е сертифицирана од страна на Агенцијата за цивилно воздухопловство на Република Македонија. Службата ги задоволува европските EASA прописи, како и прописите дефинирани според EASA part 145 со број на Уверение МК 145.007.

МАТ Ервејс има и свој инжињеринг кој исто така е сертифициран од страна на Агенцијата за цивилно воздухопловство на Република Македонија и работи според европските EASA прописи за Continuing Airworthiness Management дефинирани според EASA PART M, со број на Уверение MK MG.004.

Главната база за одржување на воздухопловите се наоѓа на аеродромот Александар Велики во Скопје, додека за поголеми работи се користат сервиси со долгогодишна традиција , во Белград, Софија и Истанбул.

Персоналот во Одделенијата за инжењеринг и одржување го сочинуваат инжењери и авиомеханичари со долгогодишно искуство во оваа област.